«Բացի լավությունից, ոչ մեկին վատություն չի արել»․ Վալոդյա Գրիգորյանի հայր

Փարաքար համայնքի սպանված ղեկավար Վալոդյա Գրիգորյանի հայրը դեպքի վայրում է։ Լրագրողների հետ զրույցում նա միայն ասաց, որ որդին ոչ ոքի վատություն չի արել։

«Չեմ կարող ոչինչ ասել, ոչ ոքի սենց ցավ չեմ ցանկանա։ Ինքը բացի լավությունից, ոչ մեկին վատություն չի արել»,– նշեց նա:

Հիշեցնենք՝ սեպտեմբերի 23-ին՝ ժամը 23.52-ին, ՆԳՆ ոստիկանություն ահազանգ է ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել։ 
 
Մահացածներից մեկը Փարաքար համայնքի ղեկավար Վալոդյա Գրիգորյանն է, երկրորդ զոհը քրեական ոստիկան Կարեն Աբրահամյանն է: 

ՆԳՆ մամուլի խոսնակ Նարեկ Սարգսյանը հայտնել է, որ ոստիկանը ծառայության մեջ չի եղել, պարզապես այդ պահին Վալոդյա Գրիգորյանի հետ է եղել. նրանք ընկերական հարաբերություններ են ունեցել:

Մերձավանի կրակոցների և սպանությունների դեպքի առթիվ նախաձեռնվել է քրեական վարույթ։