ԱՄՆ-ում դաշնային մակարդակով թմրանյութերի գործերի քանակը նվազել է

Reuters-ի հետաքննությամբ պարզվել է, որ 2025-ին դաշնային դատարաններում թմրանյութերի գործերով մեղադրվողների թիվը նվազել է շուրջ 10 տոկոսով՝ մոտ 1200 գործով պակաս՝ համեմատած 2024-ի նույն շրջանի հետ։ Սա դաշնային մակարդակով ամենացածր ցուցանիշն է առնվազն 1990-ականների վերջից։

Պատճառը նախագահ Դոնալդ Թրամփի վարչակազմի քաղաքականությունն է․ նա նախանշել է ներգաղթի դեմ պայքարը որպես հիմնական ուղղություն՝ դաշնային հազարավոր գործակալների վերաուղղելով ներգաղթյալների արտաքսման գործողություններին։ Արդյունքում երկարաժամկետ և խոշոր թմրանյութային հետաքննությունները, այդ թվում՝ ֆենտանիլի և փողերի լվացման գործերը, փաստացի կանգ են առել։

Թմրանյութերի գործերի կրճատումը ուղեկցվել է նաև զենքի օգտագործման հետ կապված գործերի անկմամբ՝ մոտ 5 տոկոսով։ Չնայած գործերի թվի կրճատմանը՝ ԱՄՆ-ում բռնագանձված թմրանյութերի ընդհանուր քանակը 2025-ին աճել է շուրջ 6 տոկոսով, ինչը վկայում է, որ թմրանյութերի շրջանառությունը չի նվազել։ Ներկայում դաշնային քրեական գործերի գրեթե կեսը վերաբերում է ներգաղթի խախտումներին։