Մեկ օրում հայտնաբերվել է 6 հետախուզվող. ՆԳՆ
Հասարակություն
ՆԳՆ ոստիկանությունը ներկայացրել է օպերատիվ իրավիճակը հանրապետությունում սեպտեմբերի 29-30-ը:
Բացահայտվել է 155 հանցագործություն, որոնցից 2-ը՝ նախկինում կատարված:
Մասնավորապես՝
- 48 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
- 17 դեպք` մարմնական վնասվածք պատճառելու,
- 15 դեպք՝ խարդախության,
- 13 դեպք՝ թմրանյութի հայտնաբերման,
- 12 դեպք՝ ֆիզիկական ներգործության,
- 10 դեպք՝ հոգեկան ներգործության,
- 4 դեպք՝ գույքը ոչնչացնելու կամ վնասելու,
- 3-ական դեպք՝ անձնական ունեցվածքի գողության, շորթման, հարկեր, տուրքեր չվճարելու, աշխատանքի պաշտպանության կանոնները խախտելու, ինքնիրավչության։
Բացահայտվել են նաև ավազակության, կաշառակերության, զենք-զինամթերքի առգրավման, սառը զենքի հայտնաբերման, անձի տիրապետությունից դուրս եկած գույքին տիրանալու, թմրանյութի իրացման, թմրամիջոցներ պարունակող բույսեր ցանելու կամ աճեցնելու և այլ դեպքեր։
Նախկինում կատարված հանցագործություններից բացահայտվել է՝
1-ական դեպք՝ ճանապարհատրանսպորտային պատահարի, մարմնական վնասվածք պատճառելու։
Հայտնաբերվել է 6 հետախուզվող, կամավոր ներկայացել՝ 1-ը։
Գրանցվել է զենք-զինամթերք կամավոր հանձնելու 2 դեպք։
ՃՏՊ վիճակագրությունը հետևյալն է. անցած 1 օրում գրանցվել է 24 ավտովթար․ 2 մարդ զոհվել է, 32-ը՝ ստացել տարբեր աստիճանի մարմնական վնասվածքներ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
