ՆԱՏՕ-ն դադարեցրել է Ուկրաինայի համար ամերիկյան զենքի ֆինանսավորումը

ՆԱՏՕ-ի երկրները արդեն մեկ ամիս չեն ավելացրել ֆինանսական ներդրումները Ուկրաինայի համար ամերիկյան զենքի գնման ծրագրում, գրում է Страна.ua-ն։ Աղբյուրի տեղեկացմամբ՝ ինչպես ամիս առաջ, այնպես էլ այժմ PURL նախաձեռնության հաշվին մնում է ընդամենը երկու միլիարդ դոլար՝ առանց նոր փոխանցումների։

ՆԱՏՕ-ի գլխավոր քարտուղար Մարկ Ռյուտեն սեպտեմբերի 2-ին հայտարարել էր, որ այդ միջոցներով դաշինքը ձեռք է բերել Ուաշինգտոնից մահաբեր և պաշտպանական զինտեխնիկա Կիևի համար։ PURL ծրագիրը գործարկվել էր օգոստոսին՝ ուկրաինական բանակին արագ զինամթերք մատակարարելու կամավոր ներդրումների միջոցով, հայտնում Лента.ру-ն։

Ռուսաստանը բազմիցս քննադատել է Արևմուտքի կողմից Ուկրաինային զինման քաղաքականությունը՝ հայտարարելով, որ դա խոչընդոտում է բանակցություններին և ավելի է խորացնում հակամարտությունը։ Կրեմլը զգուշացրել է, որ նման քայլերը կբերեն «բացասական հետևանքների»։