Սպիտակ տունը հրապարակել է Թրամփի ծրագիրը Գազայի խաղաղության համար

Սպիտակ տունը ներկայացրել է Դոնալդ Թրամփի 20 կետից բաղկացած ծրագիրը՝ Գազայի հակամարտությունը ավարտելու համար։ Նախատեսվում է անհապաղ հրադադար և պատանդների ազատում 72 ժամվա ընթացքում։ ՀԱՄԱՍ-ի անդամները, որոնք կհրաժարվեն զենքից և կհամաձայնեն խաղաղ համակեցության, կստանան համաներում։ Հրադադարի ստորագրումից հետո Գազա կմտնի միջազգային մարդասիրական օգնություն՝ ներառյալ ենթակառուցվածքների վերականգնումը։

Ծրագրով առաջարկվում է Գազայի ժամանակավոր կառավարումը փոխանցել ապաքաղաքական պաղեստինյան կոմիտեին՝ միջազգային կառույցի վերահսկողությամբ, որի գլուխը կկանգնի Թրամփը։ Իսրայելը չի օկուպացնի և չի միացնի տարածքը, իսկ ապագա պետականությունը և պաղեստինյան վերահսկողությունը կքննարկվեն միայն վերականգնման ու բարեփոխումների ավարտից հետո։

Իսրայելի վարչապետ Բենիամին Նեթանյահուն աջակցել է նախաձեռնությանը՝ այն անվանելով համահունչ անվտանգության նպատակներին՝ պատանդների վերադարձ, սահմանների պաշտպանություն և Գազայի ապառազմականացում։ Թրամփը նշել է, որ մուսուլմանական և արաբական երկրներ խոստացել են զինաթափել ՀԱՄԱՍ-ը և մյուս զինված խմբավորումները։ Կատարի վարչապետն ու ԱԳ նախարարն էլ հայտնել են պատրաստակամություն աշխատել ծրագրի իրագործման ուղղությամբ։