44–օրյա պատերազմը հիբրիդային պատերազմի մաս էր․ ժողովրդավարությունն էր, որ փրկեց ՀՀ պետականությունը․ Փաշինյան

44-օրյան հիբրիդային պատերազմի մաս էր, որի թիրախում ՀՀ-ի պետականությունն էր, ՀՀ-ի  անկախությունը։ Բայց հենց ժողովրդավարությունն էր, որ բառիս բուն իմաստով փրկեց ՀՀ պետականությունը և անկախությունը։ Այս մասին ԵԽԽՎ-ում հայտարարեց վարչապետ Նիկոլ Փաշինյանը։ 

«Պատերազմը և դրան ուղեկցող ապատեղեկատվությունը այն գործիքներն էին, որոնցից օգտվելով հակաժողովրդավարական ուժերը մեզնից պահանջում էին իշխանությունը հանձնել իրենց; Մենք ասացինք, որ ժողովրդից ստացած իշխանությունը չենք կարող հանձնել, այլ կարող ենք ժողովրդին վերադարձնել»,-ասաց նա՝ պատմելով 2021 թ-ի իրադարձությունները։  

Նա վստահեցրեց, որ այսօր իշխանությունը ՀՀ-ում պատկանում է ժողովրդին, որն էլ ՀՀ-ում ժողովրդավարության երախշավորն է։ «Հայաստանն այսօր ավելի անկախ է քան երբևէ, ավելի պետություն է, քան երբևէ, ավելի ինքնիշխան է քան երբևէ, ավելի ժողովրդավար է, քան երբևէ»։