Ուկրաինական «Ֆլամինգո» հրթիռները չեն փոխի իրավիճակը ճակատում

The Wall Street Journal-ի փորձագետները գնահատել են, որ ուկրաինական արտադրության «Ֆլամինգո» հրթիռները չեն կարող էականորեն ազդել ռազմաճակատի իրավիճակի վրա և չեն փոխի ուժերի հարաբերակցությունը։ «Որպես միակ զենք՝ "Ֆլամինգոն" հազիվ թե կարողանա փոխել մարտադաշտի կանոնները»,— նշում է պարբերականը։

Հոդվածում ընդգծվում է, որ Կիևը չունի բավարար ֆինանսական միջոցներ՝ զանգվածաբար արտադրելու համար նոր հրթիռները, ինչը ևս սահմանափակում է դրանց ազդեցությունը։

Ավելի վաղ հրթիռը մշակած Fire Point ընկերությունը հայտնել էր, որ աշխատում է նաև նոր բալիստիկ հրթիռների՝ FP-7 և FP-9-ի վրա։ FP-7-ը նախատեսված է 150 կգ մարտական մասով և մինչև 200 կմ հեռահարությամբ, իսկ FP-9-ը՝ 800 կգ մարտական մասով և մինչև 855 կմ հեռահարությամբ։