ԱՄՆ կառավարությունը դադարեցրել է աշխատանքը՝ խորացող կուսակցական ճգնաժամի ֆոնին

ԱՄՆ-ում հոկտեմբերի 1-ին դադարեցվել է կառավարության մեծ մասը՝ Կոնգրեսի և Սպիտակ տան միջև ֆինանսավորման շուրջ անհաշտ տարաձայնությունների պատճառով։ Սա երկրի 15-րդ կառավարական շուտդաունն է 1981-ից ի վեր և կարող է տևել ավելի երկար, քան նախորդ փակումները՝ սպառնալով 750 հազար պետական աշխատողների գործազրկությամբ և օրական մոտ 400 միլիոն դոլարի վնասով։

Հիմնական պատճառը դարձել է 1.7 տրիլիոն դոլարի ծախսային փաթեթը․ դեմոկրատները պահանջում են ներառել առողջապահական նպաստների երկարաձգումը միլիոնավոր ամերիկացիների համար, մինչդեռ հանրապետականներն այդ հարցը ցանկանում են քննարկել առանձին։ Դոնալդ Թրամփի վարչակազմը, որը արդեն պլանավորում է կրճատել մոտ 300 հազար աշխատատեղ մինչև դեկտեմբերի վերջ, նախազգուշացրել է, որ փակումը կարող է արագացնել այդ կրճատումները։

Փակման հետևանքով կդադարեն հրապարակվել կարևոր տնտեսական տվյալներ, կդանդաղի ավիափոխադրումը, կկասեցվեն գիտական հետազոտությունները և կուշանան զինծառայողների աշխատավարձերը։ Ֆինանսական շուկաներն արդեն արձագանքել են անկմամբ և ոսկու գների ռեկորդային աճով՝ ավելացնելով անհանգստությունը տնտեսական անորոշության պայմաններում, հայտնում է Reuters-ը։