Մակրոնը դեմ է Ռուսաստանի ակտիվների օգտագործմանը Ուկրաինային վարկ տրամադրելու համար

Ֆրանսիայի նախագահ Էմանուել Մակրոնը հայտարարել է, որ անթույլատրելի է օգտագործել Ռուսաստանի սառեցված ակտիվները՝ Ուկրաինային վարկ տրամադրելու նպատակով։ Ինչպես նշում է The Guardian-ը, Մակրոնը հիշեցրել է, որ ակտիվների սառեցման դեպքում անհրաժեշտ է պահպանել միջազգային իրավունքը, և այս դիրքորոշումը կիսել է նաև Բելգիայի վարչապետ Բարտ Դե Վևերը։

Նախկինում ԵՄ ղեկավար Ուրսուլա ֆոն դեր Լայենը առաջարկել էր Ուկրաինային տրամադրել «ռեպարացիոն վարկ», որը պետք է վերադարձվեր միայն այն ժամանակ, երբ Կիևը ստանար փոխհատուցումներ Ռուսաստանից։ Այդ սխեմայով նախատեսվում էր օգտագործել ոչ թե ակտիվները, այլ դրանց եկամուտները՝ չզրկելով Մոսկվային հիմնական միջոցներից։

Բելգիայի վարչապետը, սակայն, դեմ է հանդես եկել ակտիվների բռնագրավմանը՝ ընդգծելով, որ երրորդ երկրի միջոցների օգտագործումը վտանգավոր նախադեպ կստեղծի ոչ միայն Բելգիայի, այլև ամբողջ ԵՄ-ի համար։