Արմենակյան փողոցում բռնկված հրդեհը մարվել է

Երևանի Արմենակյան փողոցում գտնվող հյուրանոցներից մեկի նկուղում բռնկված հրդեհը մեկուսացվել է ժամը 12։36-ին, մարվել՝ 12։53-ին։

Իրականացվում են տարհանման աշխատանքներ, հայտնում է ՀՀ ՆԳՆ-ն։

Հիշեցնենք, որ հոկտեմբերի 6-ին, ժամը 12։07-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Արմենակյան փողոցում գտնվող հյուրանոցներից մեկի նկուղում։

Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, Հրդեհաշիջման և փրկարարական աշխատանքների կազմակերպման բաժնի, բժշկական ապահովման հերթապահ և Ճգնաժամային կառավարման ազգային կենտրոնի օպերատիվ խմբերը։