Եթե մարդիկ կարծում են, որ մենք իրենց խաբել ենք, ապա պետք է դուրս գան փողոց. ՔՊ-ական պատգամավոր

Եթե մարդիկ կարծում են, որ մենք իրենց խաբել ենք, ապա մարդիկ կամ պետք է դուրս գան փողոց, կամ գնան ու ընտրությունների ժամանակ իրեց կարծիքը վերածեն քվեի, ընդ որում՝ չեմ հասկանում, թե ինչու արտահերթ ընտրություններ չեք պահանջում։ Այս մասին ԱԺ պետաիրավական հարցերի մշտական հանձնաժողովում ասաց ՔՊ-ական պատգամավոր Արուսյակ Ջուլհակյանը՝ անդրադառնալով «Հայաստան» խմբակցության պատգամավոր Մհեր Մելքոնյանի հարցին, թե ՔՊ-ն ընդունո՞ւմ է, որ խաբել է 680 000 քաղաքացիների, որոնք իրենց ձայնն են տվել։ 

«Մենք մեր ողջ ժողովրդի հետ մշտական կոմունիկացիայի հետ ենք և այն,որ ձեր ներկայացչած փաստարկները սին են, ապացուցվում է նրանով, որ ձեր շուրջ ժողովուրդ չի հավաքվում»,-ասաց նա՝ ընդգծելով, որ այս գործընթացների մեջ անտեսվում է ժողովուրդը։ Դուք էլի առաջարկում եք ոչ թե ընտրություններ, այլ ինչ-որ միստին ազգային համաձայնության նման մի բան։ Հասկանում եմ, որ դուք սովորություն ունեք ժողովրդին շրջանցելով իշխանությունը բաշխեք կուլիսներում, բայց մենք դրան չենք մասնակցում։ բան ունեք ուզելու՝ ուզեք ժողովրդից, դա կլինի ընտրությունների տեսքով, կամ էլ փողոցում կրիտիկական զանգված գեներացնելով։ Խնդրում եմ ձեր հարաբերությունները պարզեք ժողովրդ հետ, եթե կկարողանաք համոզել՝ եկեք շարունակենք խոսակցությունը»,-ասաց Ջուկհակյանը: