Հարավային Կովկասը խորը վերափոխումների է ենթարկվում՝ խաղաղության պայմանագրի նախաստորագրումից հետո․ Մարթա Կոս

Հայաստանի և Ադրբեջանի միջև խաղաղության համաձայնագրի ստորագրումն արդեն իսկ «պատմական քայլ» է, - ադրբեջանական «Թրենդ» գործակալությանը տված հարցազրույցում ասել է ԵՄ ընդլայնման հարցերով հանձնակատար Մարթա Կոսը։

Նրա խոսքով՝ խաղաղության պայմանագրի նախաստորագրումից հետո Հարավային Կովկասի տարածաշրջանը «խորը վերափոխման է ենթարկվում»։

Կոսը նշել է, որ ԵՄ-ն պատրաստ է աջակցել Ադրբեջանին և օգտվել այս հնարավորությունից՝ հարաբերությունները նոր քաղաքական մակարդակի բարձրացնելու համար։

Կոսը ընդգծել է, որ հենց ներկայիս աշխարհաքաղաքական համատեքստում տրանսպորտային կապերը ձեռք են բերում ավելի բարձր քաղաքական կարգավիճակ թե՛ ԵՄ-ի, թե՛ Ադրբեջանի համար։ Նա հավելել է, որ տարածաշրջանի ներուժը կարող է բացահայտվել «Կենտրոնական Ասիան և Եվրոպան կապելով» և որ ԵՄ-ն մտադիր է ամրապնդել համագործակցությունը՝ շարժունակության, էներգետիկայի և թվային կապի ոլորտներում։

Նա նաև հիշեցրել է, որ ԵՄ-ն ողջունում է խաղաղության համաձայնագրի նախնական ստորագրումը և որ վերջնական ստորագրումն ու վավերացումը կդառնան շրջադարձային կետ, որոնք վերջ կդնեն «անցյալի հակամարտություններին» և հնարավորություն կտան տարածաշրջանին անցնել զարգացման նոր փուլ։

Կոսը հայտարարել է, որ կարգավորման գործընթացներում Ադրբեջանը կարող է հույս դնել ԵՄ-ի շարունակական աջակցության վրա, «ներառյալ սահմանային համագործակցության, հաշտեցման և մարդասիրական հարցերի վերաբերյալ նախաձեռնությունները»։