Թուրքիայում մի շարք թուրք հայտնիներ են ձերբակալվել

Թուրքիայում թմրանյութեր տարածելու կասկածանքով ձերբակալվել է 19 մարդ, այդ թվում՝ թուրք հայտնիներ՝ «Եվրատեսիլ 2009»-ի մասնակից Հադիսեն, Մերթ Յազըջըօղլուն, Դեմեթ Էվգարը, Օզգե Օզպիրինջին և այլք։

Այս մասին հաղորդում է Haber Global-ը։

Նշվում է, որ մի շարք այլ հայտնիներ տեղափոխվել են Ստամբուլի նահանգային ժանդարմերիայի շտաբ՝ ցուցմունքներ տալու և նրանցից արյան նմուշներ վերցնելու համար։

Հաղորդվում է, որ հետաքննությունը սկսվել է կասկածյալներից մի քանիսի կողմից թմրամիջոց օգտագործելու վերաբերյալ ձեռք բերված ապացույցների հիման վրա։