Թրամփը Գազայի շուրջ բանակցությունների հաջորդ 48 ժամերը «վճռորոշ» է անվանել

ԱՄՆ նախագահ Դոնալդ Թրամփը կարծում է, որ Գազայի հակամարտության կարգավորման համար հաջորդ 48 ժամվա բանակցությունները վճռորոշ կլինեն, հաղորդում է Fox News-ը։

Fox News-ի թղթակիցը հայտնել է, որ ամերիկացի առաջնորդը հայտարարությունն արել է Սպիտակ տանը նախկին պատանդ Իդան Ալեքսանդրի և նրա ընտանիքի հետ հանդիպման ժամանակ։

«Ըստ տեղեկությունների՝ նախագահ Թրամփը նախկին ամերիկացի պատանդին և նրա ընտանիքին ասել է, որ հաջորդ 48 ժամվա բանակցությունները կարևոր են», - հաղորդել է լրագրողը։