Չեխիան Ուկրաինային այլևս փող չի տա. Բաբիշ

Չեխիայի ապագա վարչապետը՝ ընդդիմադիր ANO շարժման առաջնորդ Անդրեյ Բաբիշը, հայտարարել է, որ Պրահան այլևս չի հատկացնել Ուկրաինային ֆինանսավորում պետական բյուջեից։ Նա նշել է, որ օգնությունը կտրամադրվի միայն ԵՄ միջոցով։ «Մեզ գումար պետք է հենց Չեխիայի համար։ Մենք արդեն աջակցել ենք Ուկրաինային, բայց հիմա դա կանենք միայն Եվրոպայի գծով», — ընդգծեց նա։

Բաբիշը հայտնել է, որ Չեխիան պատրաստ է ԵՄ-ին հատկացնել 60 միլիարդ կրոն (մոտ 2,8 միլիարդ դոլար), որոնք կարող են ուղղվել Կիևին։ Նա քննադատել է Ուկրաինային ուղարկվող զինամթերքի նախաձեռնությունը՝ հայտարարելով, որ դրա վրա «որոշ մարդիկ էքստրեմալ շահույթ են ստանում»։ Բաբիշն ընդգծել է, որ իր կառավարությունը առաջնահերթ կհոգա չեխերի սոցիալական և ֆինանսական կարիքները, սակայն պատրաստ է երկխոսության նախագահ Վլադիմիր Զելենսկու և դաշնակիցների հետ։

Քաղաքական գործիչը նաև ընդգծել է, որ Ուկրաինան դեռ պատրաստ չէ Եվրամիության անդամ դառնալու․ «Նախ պետք է ավարտեք պատերազմը։ Կարող ենք համագործակցել, բայց անդամակցության համար դեռ պատրաստ չեք»։ Բաբիշն ավելացրել է, որ չի արգելելու չեխական ընկերություններին մատակարարել զինամթերք Կիևին, սակայն պետությունը այդ գնումներով չի զբաղվի։