Մեկ օրում գրանցվել է 23 ավտովթար

ՆԳՆ Ոստիկանության ստորաբաժանումները հանրապետությունում հոկտեմբերի 7-8-ը բացահայտվել է 121 հանցագործություն, որից 6-ը՝ նախկինում կատարված:

Մասնավորապես՝

23 դեպք` տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,

19 դեպք՝ խարդախության,

12 դեպք՝ թմրանյութի հայտնաբերման,

9 դեպք՝ հոգեկան ներգործության,

8 դեպք՝ ֆիզիկական ներգործության,

4 դեպք՝ անձնական ունեցվածքի գողության,

3 դեպք՝ սառը զենքի հայտնաբերման,

2-ական դեպք՝ ավազակության, շորթման, խուլիգանության, թմրանյութի իրացման։

Բացահայտվել են նաև վստահված գույքի հափշտակման, ապօրինի ձեռնարկատիրական գործունեության, գույքը ոչնչացնելու կամ վնասելու, ծառերը, թփերը ապօրինի հատելու, թմրամիջոցի մաքսանենգության, թմրամիջոցներ պարունակող բույսեր ցանելու կամ աճեցնելու, հողը փչացնելու և այլ դեպքեր։

Նախկինում կատարված հանցագործություններից բացահայտվել են՝

2 դեպք՝ անձնական ունեցվածքի գողության,

1-ական դեպք՝ մարմնական վնասվածք պատճառելու, խարդախության։

Հայտնաբերվել է 4 հետախուզվող, կամավոր ներկայացել՝ 1-ը։

ՃՏՊ վիճակագրություն

Անցած 1 օրում գրանցվել է 23 ավտովթար․ 2 մարդ զոհվել է, 32-ը՝ ստացել տարբեր աստիճանի մարմնական վնասվածքներ։