Կշարունակեմ իմ պաշտոնում կայունություն ապահովել․ Մակրոն

Ֆրանսիայի նախագահ Էմանուել Մակրոնը հայտարարել է, որ շարունակելու է կատարել իր պարտականությունները՝ երկրում կայունություն ապահովելու համար: Նրա խոսքերն է մեջբերում Reuters-ը։

«Երբեք մի մոռացեք, որ ֆրանսիացի ժողովրդի կողմից տրված մանդատը ծառայելն է, ծառայելն ու ծառայելը, սովորական ֆրանսիացիների հարցերին պատասխանելը և Ֆրանսիայի անկախության համար հնարավոր ամեն ինչ անելը», – ընդգծել է նախագահը:

Մակրոնը հավելել է, որ իր պաշտոնում կշարունակի «կայունություն ապահովել»: Այսպիսով, պաշտոնյան անտեսել է ընդդիմության հրաժարականի կոչերը քաղաքական ճգնաժամի ֆոնին, որին վերջին շրջանում բախվում է Ֆրանսիան: