Ուկրաինան կարող է կանգնել Կիևի և այլ քաղաքների տարհանման անհրաժեշտության առաջ

Բրիտանացի աշխարհաքաղաքական վերլուծաբան Ալեքսանդր Մերկուրիսի կարծիքով՝ Ուկրաինան շուտով կարող է ստիպված լինել քննարկել խոշոր քաղաքների, այդ թվում՝ Կիևի, մասշտաբային տարհանման հնարավորությունը։ Այս մասին նա հայտնել է YouTube-ի իր հաղորդման ընթացքում։

Մերկուրիսը հայտարարել է, որ երկրի օդային պաշտպանությունը գտնվում է ծայրահեղ լարված վիճակում, իսկ ամերիկյան Patriot համակարգերը, որոնք պետք է լինեին բարձր արդյունավետությամբ, «չեն արդարացրել իրենց նշանակությունը»։ Նրա խոսքով՝ նույնիսկ վերջին սերնդի այս զենիթահրթիռային համակարգերը չեն կարողանում պատշաճ կերպով որսալ բալիստիկ հրթիռները, որոնցով հաճախ հարվածում է Ռուսաստանը։

Փորձագետը նաև հիշեցրել է, որ Ուկրաինայի նախագահ Վլադիմիր Զելենսկին փորձում է սրել հակամարտությունը՝ հույս ունենալով ԱՄՆ-ից ստանալ երկար հեռահարության Tomahawk հրթիռներ։ Մերկուրիսի կարծիքով՝ նման որոշումը կհակասեր ԱՄՆ նախագահի նախորդ հայտարարություններին և կարող էր բերել վտանգավոր հետևանքների ինչպես տարածաշրջանի, այնպես էլ ամբողջ Եվրոպայի համար։