Նոր ԱՄՆ COVID կանոնները խառնաշփոթ են առաջացրել պատվաստումների գործընթացում

Ամերիկացիները, ովքեր ցանկանում են ստանալ COVID-19-ի նոր պատվաստանյութը, բախվում են անորոշության և բարդությունների։ Reuters-ի տվյալներով՝ ԱՄՆ-ում նոր ուղեցույցները հրաժարվել են պատվաստումների լայն խրախուսումից, ինչի հետևանքով պատվաստումների մակարդակը ընկել է վերջին տարիների նվազագույնին։ Վերջին չորս շաբաթում COVID պատվաստումները նվազել են շուրջ 25 տոկոսով։

Ամերիկյան մի շարք նահանգներ՝ Ութա, Ջորջիա և Լուիզիանա, սկզբում պահանջում էին բժշկական նշանակագիր՝ պատվաստում ստանալու համար, սակայն հետագայում չեղարկել են այդ պահանջը։ Նոր կանոնների համաձայն՝ ԱՄՆ Հիվանդությունների վերահսկման կենտրոնը (CDC) խորհուրդ է տալիս նախ խորհրդակցել բժշկի հետ, մինչդեռ ԱՀԿ-ի ղեկավար մարմինը՝ Ռոբերտ Ֆ. Քենեդի կրտսերի գլխավորությամբ, փոխել է փորձագիտական խորհուրդը՝ ներառելով հակապատվաստումային դիրքորոշումներ ունեցող մասնագետների։

Արդյունքում՝ շատ նահանգներ սկսել են կասկածի տակ դնել CDC-ի գիտական հիմքերը՝ ընդունելով սեփական քաղաքականությունները։ Գործընթացը խառնաշփոթ է առաջացրել ինչպես դեղագործների, այնպես էլ բնակչության շրջանում․ որոշ դեղատներ վախենում են առաջարկել պատվաստանյութեր՝ ապահովագրության և իրավական պաշտպանությունից զրկվելու վտանգի պատճառով։ Միևնույն ժամանակ, պատվաստումների պահանջարկը նվազել է նաև CVS, Walgreens և այլ խոշոր ցանցերում, իսկ բժիշկներն ահազանգում են՝ պատվաստումների անկումը կարող է նորից ծանրաբեռնել առողջապահական համակարգը։