Հունաստանում թույլատրվել է 13-ժամյա աշխատանքային օր՝ օրենսդրական փոփոխության արդյունքում

Հունաստանի խորհրդարանը ընդունել է օրենք, որը թույլ է տալիս գործատուներին սահմանել մինչև 13-ժամյա աշխատանքային օր, հայտնում է Mesogeios TV-ն։ Օրենքի ընդունումը տեղի է ունեցել՝ չնայած բողոքի զանգվածային ակցիաներին, գործադուլներին և սուր քննարկումներին խորհրդարանում։

Ըստ Հունաստանի աշխատանքի նախարար Նիկի Կերամեոսի, «13-ժամյա աշխատանքային օր» արտահայտությունը ձևական է․ գործատուները կարող են կիրառել նման գրաֆիկ տարին ընդամենը 37 օր, և պարտավոր են աշխատողներին վճարել 40 տոկոս հավելավճար իրենց ժամային աշխատավարձին։ Նախարարը նաև նշել է, որ որոշ դեպքերում աշխատողները ինքնուրույն են խնդրել երկարացնել աշխատանքային ժամերը՝ աշխատելով շաբաթական 6 կամ 7 օր։

Նշենք, որ համեմատության համար՝ Ռուսաստանի աշխատանքի նախարարության տվյալներով՝ 2025 թվականին երկրում միջին աշխատանքային օրը կազմել է 7,43 ժամ, գրեթե նույնը՝ ինչ 2024-ին (7,45 ժամ)։ Պանդեմիայի տարիներին այս ցուցանիշը ավելի ցածր էր՝ շուրջ 7,39 ժամ։