Նիկոլ Փաշինյանը դժոխքի պահով ճիշտ էր ասում․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Նիկոլ Փաշինյանը ուզում է Հայաստանի  3-րդ հանրապետությունը  լուծարել,  4-րդ հանրապետությունով փոխել, Հայ առաքելական եկեղեցին մաքրագործելու պատրվակով փորձում են քանդել եկեղեցին,  Հայոց ցեղասպանության հուշարձանը նորոգելու պատրվակով  այն ավերել են,․բանակն ա պաշտպանունակ դարձնելու պատրվակով  ռազմական ծախսերը և պարտադիր զինծառայության ժամկետը կրճատել են, համալսարանական կրթությունն ավերելու համար հնարել են ակադեմիական քաղաք-Նյու Վասյուկի միֆը։ Անընդհատ  քարոզում  են տնտեսական  աճի,ստեղծված աշխատատեղերի աննախադեպ քանակի, հարկային  մեծ  մուտքերի մասին, սակայն  ամեն տարի 1 միլիարդ դոլարով ծանրացնում  են պետական պարտքի բեռը։

Նիկոլ Փաշինյանը հայտարարում էր, որ անցելու ենք դժոխքի մեջով։ Դժոխքի պահով ճիշտ էր ասել, որ Հայաստանը գցելու են դժոխքի մեջ։  Դրանից դուրս գալու համար պետք է պատմության արխիվ ուղարկել Նիկոլ Փաշինյանին ու ՔՊ-ին։ Այլապես նրանք պատմության արխիվ  կուղարկեն մեր պետությունը ու դրանից հետո  իրենց ոճով  կասեն՝ ժողովուրդն էր մեղավոր, որ մեզ չհեռացրեց»։