Լուկաշենկոն խոսել է Հայաստանի ու Ադրբեջանի միջև ստորագրված խաղաղության համաձայնագրի մասին

Բելառուսի նախագահ Ալեքսանդր Լուկաշենկոն հույս է հայտնել, որ Գազայի հատվածում և Ադրբեջանի ու Հայաստանի միջև հակամարտությունների լուծումները կլինեն երկարատև։

«Վերջերս մեզ հաջողվել է հասնել լուծումների, մեծ հույս ունեմ՝ երկարաժամկետ, մի քանի երկարատև հակամարտությունների համար... Ադրբեջանն ու Հայաստանը խաղաղության համաձայնագիր են ստորագրել։ Գազայում երկամյա պատերազմն ավարտվել է։ Սա միայն սկիզբն է։ Բայց մենք հույս ունենք, որ սա լավ սկիզբ է», - ասել է Բելառուսի առաջնորդը Եվրասիական անվտանգության հարցերով Մինսկի երրորդ միջազգային համաժողովում։

Համաժողովը տեղի է ունենում Բելառուսի մայրաքաղաքում հոկտեմբերի 28-29-ը։