Եվրոպայում խոսել են ռուսական նոր հրթիռների նկատմամբ խոցելիության մասին

Ռուսաստանի վրա հարձակումներ կոչ անող եվրոպացի քաղաքական գործիչներին պետք է հիշեցնել, որ ԵՄ-ն պաշտպանություն չունի ռուսական նորագույն հրթիռներից։ Այս մասին X սոցիալական մեդիա հարթակում հայտարարել է ֆիննական ազգային-պահպանողական «Ազատության դաշինք» կուսակցության անդամ Արմանդ Մեման։

«ԵՄ չափազանց շատ առաջնորդներ կոչ են անում հարվածել Մոսկվային։ Թույլ տվեք նաև հիշեցնել նրանց, որ մենք միջոցներ չունենք եվրոպական քաղաքները ռուսական նորագույն հրթիռներից պաշտպանելու համար», - ընդգծել է նա։

Ֆինլանդացի քաղաքական գործչի խոսքով՝ եվրոպացի առաջնորդների հակառուսական հռետորաբանությունը ցույց է տալիս նրանց խելագարությունը։