TRIPP-ի հարցով հենց անհրաժեշտ լինի հանձնարարական իջեցնել, կանենք, դեռ էդ փուլ չենքմտել. Խուդաթյան

«Թարմփի ուղու» հետ կապված մենք այս պահին քննարկումներ ենք իրականացնում, և այն պահին, երբ անհրաժեշտություն լինի անցնել հանձնարարականներին արդեն համայնքների և մարզերի հետ աշխատանքի մասով, կանենք, հիմա դեռ այդ փուլը չի։ Այս մասին այսօր՝ հոկտեմբերի 28–ին, ԱԺ–ում լրագրողների հետ զրույցում նշեց ՏԿԵ նախարար Դավիթ Խուդաթյանը։

«Սյունիքում մենք այլ խոշոր ենթակառուցվածքային ծրագրեր ենք իրականացնում, որում և մարզը, և համայնքները ներգրավված են։ Խոսքը մասնավորապես «դիմակայուն Սյունիք» ծրագրի մասին է, որի շրջանակներում առաջիկայում կմեկնարկեն կրթական, այդ թվում նաև ջրային ոլորտին վերաբերվող ենթակառուցվածքների արդիականացման ծրագրեր, առողջապահական ենթակառուցվածքների արդիականացման ծրագրեր։ Մեր խոշոր և հիմնական ծրագիրը հյուսիս-հարավ ճանապարհային միջանցքն է, և այս պահին ամենամեծ կտորը շարունակում ենք իրականացվել Սյունիքի մարզում։ Քիչ առաջ պատգամավորներին և հանրությանը ներկայացրեցի, որ 2026 թվականին երկու խոշոր ծրագրերի մասով մեկնարկ կտրվի, և հետևաբար դեռևս տեսանելի ապագայում բավական երկար ժամանակ Սյունիքը լինելու է մեր հիմնական շինարարական ուղղությունը»,– հայտարարեց Խուդաթյանը։