Լուվրի գողության գործով կասկածյալները հրաժարվել են ցուցմունք տալ

Փարիզում ձերբակալված երկու տղամարդ, որոնք կասկածվում են Լուվր թանգարանից թագավորական զարդերի գողության մեջ, հրաժարվել են խոսել քննիչների հետ։ Ինչպես գրում է Le Parisien-ը, նրանք օգտվել են լռելու իրավունքից և չեն տվել ոչ մի ցուցմունք։ Երկուսն էլ գտնվում են Փարիզի հատուկ ոստիկանության բաժնում՝ մինչդեռ առնվազն երկու նրանց համախոհ դեռ ազատության մեջ են։

Քննիչները կարողացել են նույնականացնել հանցագործներին ԴՆԹ-ի միջոցով։ Առաջինը՝ 39-ամյա ֆրանս-ալժիրցի, բացահայտվել է այն մոթոցիկլետային սաղավարտի մնացորդներով, որը նա թողել էր փախուստի ժամանակ։ Երկրորդը՝ Մալիի քաղաքացի, նույնականացվել է ըստ ԴՆԹ-ի՝ գտնված հատուկ ժիլետի վրա, որով նա բարձրացել էր Լուվրի շենքի ճակատով։ Նրանցից մեկին ձերբակալել են հենց այն պահին, երբ պատրաստվում էր թռչել Ալժիր՝ Շառլ դը Գոլ օդանավակայանից։

Հիշեցնենք, որ գողությունը տեղի էր ունեցել հոկտեմբերի 19-ին, երբ Լուվրից անհետացել էին 88 միլիոն եվրո արժողությամբ զարդեր, որոնք պատկանել էին Նապոլեոնի և կայսրուհու հավաքածուներին։ Գողացած իրերը դեռ չեն գտնվել, սակայն ոստիկանությունը հույս ունի՝ նոր ԴՆԹ վերլուծությունները կօգնեն բացահայտել մնացած հանցախմբի անդամներին և հնարավոր պատվիրատուներին։