Զելենսկին մերժել է հանդիպման տարբերակը Ռուսաստանում կամ Բելառուսում

Ուկրաինայի նախագահ Վլադիմիր Զելենսկին հայտարարել է, որ չի պատրաստվում հանդիպել Ռուսաստանի նախագահ Վլադիմիր Պուտինի հետ ոչ Ռուսաստանում, ոչ էլ Բելառուսում։ Ինչպես հաղորդում է «Левый Берег»-ը, այս հարցը քննարկվել է ԱՄՆ նախագահի հատուկ բանագնաց Սթիվ Ուիտկոֆի հետ՝ հնարավոր եռակողմ հանդիպման ձևաչափի շրջանակում։

Զելենսկին նշել է, որ Բուդապեշտը կարող է դիտարկվել որպես չեզոք հարթակ, թեև իր մտահոգությունները կապված են Հունգարիայի վարչապետ Վիկտոր Օրբանի դիրքորոշման հետ՝ Կիևի հանդեպ։ «Եթե բանակցությունները կարող են տալ արդյունք, ապա թող տեղի ունենան որտեղ ուզում են։ Կարևորը՝ խաղաղության հասնելն է։ Բայց՝ ոչ Ռուսաստանում և հաստատ ոչ Բելառուսում», — ընդգծել է Ուկրաինայի նախագահը։

Ավելի վաղ Զելենսկին հայտարարել էր, որ Ուկրաինայի ռազմավարական նպատակը 250 ժամանակակից ինքնաթիռներից բաղկացած ռազմաօդային նավատորմի ձևավորումն է, ինչը, նրա խոսքերով, «ներկայացնում է երկրի ապագան»։