«Հարկադրաբար ներկայացնելու» ակնհայտ ապօրինի որոշմամբ ոստիկաններին հրահանգել էին բերման ենթարկել Տեր Փառենին․ իրավապաշտպան

Իրավապաշտպան Ռուբեն Մելիքյանը Ֆեյսբուքի իր էջում կիսվել է կիրակի առավոտյան փաստաբան Արա Զոհրաբյանի, Սաղմոսավանքի հոգևոր հովիվ Տեր Փառենի և երկու ոստիկանի զրույցի ձայնագրությամբ և գրել․

 

«Տեսե՛ք, թե ինչ լկտիության է դիմել գերագույն սրբապիղծը՝ Հովհաննավանքի իրենց կուսակցական «միջոցառուման» անշեղ ընթացքն ապահովելու համար։ «Հարկադրաբար ներկայացնելու» ակնհայտ ապօրինի որոշմամբ ոստիկաններին հրահանգել են բերման ենթարկել Տեր Փառենին՝ կարծելով, թե ուղևորվում է Հովհաննավանք։ Ոստիկանները «ձեռ են քաշել» Տեր Փառենից միայն այն բանից հետո, երբ համոզվել են, որ Տեր Փառենը Սբ.Պատարագ մատուցելու է մեկնում ոչ թե օկուպացված Հովհաննավանք, այլ Սաղմոսավանք։

Ոստիկանությունը կամաց-կամաց վերածում են աղանդավորական-կուսակցական շահերը սպասարկող զինված խմբավորման, հետո էլ զարմանում եք հանցավորության, հատկապես՝ թմրամիջոցների շրջանառության ու սպանությունների կտրուկ աճից։

 

Խոսքեր պարզապես չկան։ Խնդրում եմ պարտադիր լսել ձայնագրությունը։

 

ՀԳ. Հիանում եմ մեր Մայր Եկեղեցու արժանապատիվ Տեր Հայրերի տոկունությամբ, հանդարտությամբ, իմաստնությամբ»։