Լուվրի թանգարանի կողոպտիչները փորձել են գողացված զարդերը վաճառել համացանցում. Bild

Հոկտեմբերին Փարիզի Լուվրից զարդեր գողացած կողոպտիչները փորձել են թանգարանի գանձերը վաճառել իսրայելական CGI Group ընկերությանը՝ համացանցի միջոցով, հաղորդում է գերմանական Bild թերթը՝ հղում անելով ընկերության գործադիր տնօրեն Զվիկ Նավեին։

«Լուվրի կողոպուտից հինգ օր անց մի տղամարդ, որը ներկայանում էր՝ որպես կողոպտիչների ներկայացուցիչ, կապ է հաստատել մեզ հետ CGI Group-ի պաշտոնական կայքի միջոցով։ Նա հարցրել է, թե արդյոք մենք կբանակցենք համացանցում արվեստի գործերի գնման համար և ընդգծել է, որ մենք 24 ժամ ունենք պատասխանելու համար», - ասել է Նավեը։

Հրապարակման համաձայն, CGI-ն նախկինում վարձվել էր Լուվրի հետ սերտ կապեր ունեցող անանուն անձի կողմից՝ կողոպտիչներին և նրանց գողացված զարդերը գտնելու համար։ Ընկերության տնօրենը հայտարարել է, որ CGI Group-ը ընդունել է կողոպտիչների ներկայացուցչի առաջարկը. երկար բանակցություններից և հետաքննություններից հետո պարզվել է, որ անհայտ անձը տիրապետում է «գողացված իրերի առնվազն մի մասին»։

«Մենք այդ մասին հայտնել ենք Փարիզի համապատասխան մարմիններին։ Կանխվել է արվեստի գործերի առնվազն մի մասի վերադարձը», - նշել է Նավեն։