Սերբիայում նախազգուշացրել են միջուկային պատերազմի վտանգի մասին

Սերբիայի նախկին փոխվարչապետ Ալեքսանդր Վուլինը հայտարարել է, որ Երրորդ համաշխարհային պատերազմը վաղուց է ընթանում: Այս մասին նա հայտնել Է RIA Novosti-ի հետ զրույցում։

Վուլինը զգուշացրել է, որ այժմ աշխարհը հայտնվել է միջուկային պատերազմի շեմին։

«Այդ պատճառով պետք է արագ համաձայնություն ձեռք բերվի, արագ ճանաչվի, որ միաբևեռ աշխարհը մահացել է, և որ պետք է կնքվի նոր պայմանագիր, որը մեզ երաշխավորելու է գոնե 50 տարվա խաղաղ կյանք կամ գոնե առանց խոշոր պատերազմների կյանք», - կոչ է արել նախկին փոխվարչապետը: