Տատյանա Տարասովան կոչ է արել հեռարձակել 2026-ի Օլիմպիական խաղերը Ռուսաստանում

ԽՍՀՄ վաստակավոր մարզիչ, գեղասահքի լեգենդ Տատյանա Տարասովան հայտարարել է, որ Ռուսաստանը պետք է հեռարձակի 2026 թվականի Օլիմպիական խաղերը, անկախ այն հանգամանքից, որ ռուս մարզիկները մեծ մասամբ չեն մասնակցելու։ Ինչպես նա նշել է Царьград-ի հետ զրույցում՝ երկիրը արդեն հաղթահարել է բացակայության ցավը, և այժմ պետք է պարզապես դիտել մրցումները։

«Մենք արդեն ապրեցինք այն, որ Օլիմպիադայում չենք։ Դա ցավալի էր, բայց անցավ։ Հիմա պետք է դիտել», — ասել է Տարասովան։ Նրա կարծիքով՝ քննարկել հեռարձակման իրավունքի արժեքը «անտեղի և անպարկեշտ» է, քանի որ նախկինում նման բան երբեք չի արվել։ «Մենք պետք է տեսնենք, թե ինչպես են հանդես գալիս նրանք, ովքեր կարող էին լինել մեր մրցակիցները», — հավելել է նա։

Նշենք, որ մինչ այդ ռուս պատգամավոր և երկակի օլիմպիական չեմպիոն Վյաչեսլավ Ֆետիսովը քննադատել էր խաղերի հեռարձակման գաղափարը՝ այն համարելով «դավաճանություն» ռուս մարզիկների հանդեպ։ Սակայն սպորտային մեկնաբան Դմիտրի Գուբեռնևն ընդգծել էր, որ հեռարձակումը կարևոր է թե՛ երկրպագուների, թե՛ մարզիկների համար՝ որպես հնարավորություն՝ տեսնելու բարձր մակարդակի մրցակցությունը։