ԱՄՆ փոխնախագահ Վենսը պատասխանել է իր կնոջ հավատքի շուրջ առաջացած քննադատությանը

ԱՄՆ փոխնախագահ Ջեյ Դի Վենսը արձագանքել է այն մեղադրություններին, թե իբր իր խոսքերը կնոջը քրիստոնեություն ընդունելու ցանկության մասին անհարգալից են եղել նրա հավատքի նկատմամբ։ Քաղաքական գործիչը մեկնաբանություն է հրապարակել իր X սոցիալական հարթակի էջում՝ շեշտելով, որ չի փորձել պարտադրել կնոջը փոխել հավատքը։

«Իմ կինը քրիստոնյա չէ և այդպիսի մտադրություն չունի։ Բայց ինչպես շատ խառը հավատքի ամուսնություններում, ես պարզապես հույս ունեմ, որ մի օր նա կտեսնի աշխարհը այնպես, ինչպես ես։ Անկախ ամեն ինչից՝ ես կշարունակեմ նրան սիրել, աջակցել և խոսել նրա հետ կյանքի, հավատքի ու ամեն ինչի մասին, որովհետև նա իմ կինն է», — գրել է Վենսը։

Նրա խոսքով՝ օգտատիրոջ քննադատությունը, թե իր խոսքերը «անհարգալից են» հինդու հավատքի հանդեպ, «հակաքրիստոնեական ֆանատիզմ» է։ Վենսը նշել է, որ իր կնոջը հենց հավատքն է ներշնչել, որպեսզի ինքը վերադառնա կրոնին։ Ավելի վաղ նրա ելույթը Միսիսիպիում առաջացրել էր մեծ աղմուկ՝ հատկապես հնդիկ-ամերիկյան համայնքի շրջանում։