Ուկրաինացի պաշտոնյաները խորհրդարանում շախմատ են խաղում, իսկ հայ պաշտոնյաները՝ շարիկ

«Շարիկ գլորելու» միջադեպ է արձանագրվել նաև Ուկրաինայի գերագույն ռադայում. ուղղակի գերագույն ռադայի պատգամավորը «IPad»–ով «շարիկ գլորելու» փոխարեն շախմատ է խաղում։ 

Ուշագրավն այն է, որ եթե Էներգետիկայի և բնական պաշարների նախարար Արմեն Մովսիսյանը «IPad»–ով շախմատ խաղար, գուցե հայրենի լրատվամիջոցները մի քիչ «բարի» գտնվեին և չմեղադրեին աշխատանքային ժամանակն ավելորդ վատնելու մեջ և նախարարի ներկայացրած քաղաքական կուսակցության ներկայացուցիչները ստիպված չէին լինի իրենց կուսակից նախարարի արարքն արդարացնելու համար երկնքից «աստղեր իջեցնել»։ Նրանք ուղղակի կարող էին ասել, որ նախարարը մտավոր խաղ է «գլորել», որը երևի թե ողջունելի կլիներ Հայաստանի շախմատասեր հանրության կողմից։

Իսկ թե ինչո՞ւ է Ուկրաինայի ռադայում նիստի ժամին պատգամավորը շախմատ խաղում՝ նրան միայն կարող է հասկանալ Էներգետիկայի և բնական պաշարների նախարար Արմեն Մովսիսյանը։ 

Հիշեցնենք, որ անցյալ տարի նոյեմբերին ԱԺ–ում նիստի ժամանակ Էներգետիկայի և բնական պաշարների նախարար Արմեն Մովսիսյանը «IPad»-ով «շարիկ էր գլորում», որը լուրջ արձագանք ստացավ հայրենի լրատվամիջոցների կողմից։