Իրանը Հայաստանի օգնությամբ խուսափում է միջազգային պատժամիջոցներից
Տնտեսություն
Ռազմավարական հետախուզության և անվտանգության եվրոպական կենտրոնը (CSIS) իր վերջին զեկույցում անդարադարձել է Հայաստանի և Իրանի միջև հարաբերությունների ընդլայնման միտումներին:
Ինչպես գրում է APA ադրբեջանական գործակալությունը, հղում կատարելով իրանական լրատվամիջոցներին, այդ զեկույցում նշված է, որ պաշտոնական Երևանի և Թեհրանի միջև որոշակի միություն է ձևավորվել: Իսկ դա պայմաններ է ստեղծում, որպեսզի Իրանը խուսափի Արևմուտքի պատժամիջոցներից:
Զեկույցը նշում է, որ Թեհրանի և Երևանի միջև համագործակցությունը շահավետ է երկու կողմերի համար էլ, քանի որ Հայաստանը Իրանի միջոցով դուրս է գալիս Պարսից ծոց, իսկ Իրանն էլ Հայաստանի միջոցով ելք է ստանում դեպի Սև ծով:
Փաստաթղթում նշվում է, որ Իրանի և Հայաստանի միջև հարաբերությունները չեն սահմանափակվում միայն բնական գազով և էլեկտրաէներգիայով: Երկու երկրների միջև լուրջ համագործակցություն կա դեղագործության, ծանր արդյունաբերության, լեռնահանքային և նավթագազային արդյունաբերության ոլորտում: Իրանը Հայաստան ապրանք արտահանող երկրների շարքում 4-րդն է, նշում է զեկույցը: Երկու երկրների միջև համագործակցությունը ցույց է տալիս, որ Հայաստանը մոտ ապագայում իր սփյուռքի միջոցով կարող է ազատվել Ռուսաստանից ու միջազգային ֆինանսական ինստիտուտներից վարկային կախվածությունից:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
