Ընդդիմադիր գործչի աղջիկները պահանջում են հանդիպում ծնողների հետ
Իրան
«Կառավարությունը արգելում է երկու ղեկավար ընդդիմադիր գործիչներին, որոնք արդեն երկրորդ տարին է գտնվում են տնային կալանքի տակ, հանդիպել իրենց երեխաների հետ»,- այս մասին հայտնել են նրանց աղջիկները, նշում է Reuters գործակալությունը:
Միրհուսեին Մուսավին, ով 2009 թվականին Իրանի ներկայիս նախագահ Ահմադինեժադի խոշոր ընդդիմադիր ուժերից և ընտրությանը հաջորդած «կանաչների շարժման» ղեկավարներից մեկն էր, ձերբակալվել էր իր կնոջ՝ Զահրա Ռահնավարդսթուդի հետ 2011 թվականի փետրվարին:
«Երկու ամիս շարունակ մենք ոչ մի կապ, հանդիպում կամ քննարկում չենք ունեցեն նրանց հետ, անգամ չենք կարող լսել նրանց ձայնը նույնիսկ մեկ հեռախոսազանգի միջոցով և այն էլ ոստիկանության հսկողության ներքո»,-այս մասին նշված է Մուսավիին կողմնակից Քալամեի վեբկայքում: Մուսավիի աղջիկները նշում են, որ իրենց ծնողները իրենց հետ վերջին հանդիպման ժամանակ եղել են առողջական վատ վիճակում:
Նշենք, որ մեկ այլ խոշոր ընդդիմադիր գործիչ՝ Քարուբին, նույնպես ձերբակալված է և տնային կալանքի տակ է:
ՈՒՂԻՂ ԵԹԵՐ
Ամենադիտված 
Պարզվել է Աջափնյակում զինված միջադեպի հետևանքով մահացածի և 7 վիրավորների ինքնությունը 
