Իրանը հերքում է Ֆորդու միջուկային օբյեկտում պայթյունի մասին լուրերը

Իրանի իշխանությունները հերքում են Ֆորդու միջուկային օբյեկտում տեղի ունեցած պայթյունի մասին շրջանառվող լուրերը. գրում է Gazeta.ru-ն՝ հղում կատարելով Antiwar.com կայքին:

Անցյալ շաբաթվա սկզբում ամերիկյան WND լրատվական կայքը, հղում կատարելով անհայտ աղբյուրներին, գրել էր ուրանի հարստացմամբ զբաղվող գործարանում տեղի ունեցած խոշոր պայթյունի մասին: Աղբյուրը հայտնում էր, որ ստորգետնյա գործարանում մնացել է նվազագույնը 240 մարդ: Պայթյունի հիմնական վարկածը նպատակադրված դիվերսիան է, ուստի Իրանի իշխանությունները 24 կմ շառավղով այդ գոտին փակ տարածք էին հայտարարել:

Սակայն այս տեղեկությունը պաշտոնապես ոչ մի տեղից չհաստատվեց, չնայած որ այն բուռն քննարկումների առիթ հանդիսացավ: