Իրանի պատերազմի հետևանքները հասել են Սոմալի․ հազարավոր երեխաներ մնացել են առանց կենսական սննդի

Սոմալիում ծանր թերսնուցմամբ տառապող երեխաները հայտնվել են ավելի խոր ճգնաժամի մեջ՝ ԱՄՆ-ի և Իսրայելի կողմից Իրանի դեմ պատերազմի ֆոնին։ Ինչպես հայտնում է Reuters-ը, մատակարարումների խափանումների պատճառով բժշկական կենտրոնները ստիպված են սահմանափակել բուժիչ սննդի օգտագործումը և նույնիսկ մերժել երեխաներին, որոնք գտնվում են կյանքի համար վտանգավոր վիճակում։

Տվյալների համաձայն՝ երկրում մինչև հինգ տարեկան մոտ կես միլիոն երեխա տառապում է սուր թերսնուցմամբ։ Բժիշկները նշում են, որ կենսական նշանակություն ունեցող սննդային խառնուրդների և հատուկ կաթի պաշարները արագ սպառվում են, իսկ նոր մատակարարումները ուշանում են և թանկացել են մի քանի անգամ։ Օրինակ՝ սննդային մածուկի մեկ տուփի գինը աճել է 55 դոլարից մինչև 200 դոլար, ինչի հետևանքով օգնությունը հասնում է շատ ավելի քիչ երեխաների։

Մատակարարումների ուշացումները կապված են նաև ծովային փոխադրումների խափանումների հետ, մասնավորապես՝ Հորմուզի նեղուց-ի շուրջ ստեղծված իրավիճակով։ Մինչ պատերազմը սննդի առաքումը տևում էր մոտ մեկ ամիս, այժմ՝ մինչև երկու ամիս։ Մինչդեռ երկրում արդեն շուրջ 6.5 միլիոն մարդ կանգնած է սուր սովի առաջ, իսկ միջազգային կազմակերպությունները զգուշացնում են, որ եթե ֆինանսավորումը չավելանա, Սոմալիում կարող է սկսվել լայնածավալ սով։