Իրանը պատրաստ է քննարկել հարստացված ուրանի արտահանումը Ռուսաստան․ ԱԳՆ

Իրանը պատրաստ է քննարկել Ռուսաստանի առաջարկը՝ հարստացված ուրանը Ռուսաստանի տարածք տեղափոխելու վերաբերյալ, սակայն ավելի ուշ ժամկետում։ Այս մասին, ըստ ՏԱՍՍ-ի, հայտարարել է Իրանի արտաքին գործերի նախարար Աբբաս Արաղչին։

«Ես հանդիպել եմ նախագահ Վլադիմիր Պուտինի հետ, և մենք, ի թիվս այլ հարցերի, քննարկել ենք նաև ձեր նշած հարցը», - ասել է նա Նյու Դելիում կայացած մամուլի ասուլիսում՝ պատասխանելով գործակալության հարցին։

Նրա խոսքով՝ այս հարցի շուրջ քննարկումները ռուսական կողմի հետ տեղի կունենան ավելի ուշ։