ՄԱԿ-ում «թունավոր մթնոլորտ» է․ Politico

Եվրոպական Politico հրատարակության տվյալներով՝ Ժնևում ՄԱԿ-ի գրասենյակներում մթնոլորտը «չափազանց թունավոր» է դարձել ԱՄՆ վարչակազմի կողմից ֆինանսավորման զանգվածային կրճատումների պատճառով։

Միգրացիայի միջազգային կազմակերպության նախկին աշխատակից Էմիլի Սիուն լրագրողներին ասել է, որ աշխատակիցները չգիտեն՝ կպահպանեն արդյոք իրենց աշխատանքը հաջորդ ամիս, և թիմի ներսում սրվել են հակամարտություններն ու կատաղի մրցակցությունը։

Վաշինգտոնի որոշումը՝ կրճատելու իր մասնակցությունը ՄԱԿ-ի կառույցներում և միջազգային կազմակերպությունների բյուջեները, հանգեցրել է լայնածավալ կրճատումների Ժնևում, որտեղ տեղակայված են ՄԱԿ-ի տասնյակ գործակալություններ և ՀԿ-ներ։