Իրանը վերջնագիր է ներկայացրել ԱՄՆ-ին

Իրանը հայտարարել է, որ չի շարունակելու ԱՄՆ-ի հետ բանակցությունները, քանի դեռ չեն ապաշրջափակվել նախկինում սառեցված իրանական ակտիվները։ Այս մասին հայտնում է Fars գործակալությունը՝ հղում անելով իր աղբյուրներին։

Աղբյուրի խոսքով՝ «առանց սառեցված իրանական միջոցների փոխանցման որևէ բանակցություն հնարավոր չէ»։ Նշվում է, որ ներկայումս այս հարցը կողմերի միջև քննարկվում է Կատարի միջնորդությամբ։

Ավելի վաղ հաղորդվել էր, որ Թեհրանը ակնկալում է մոտ 24 միլիարդ դոլարի ակտիվների ապաշրջափակում՝ Վաշինգտոնի հետ հնարավոր համաձայնագրի շրջանակում։ Tasnim գործակալության տվյալներով՝ կողմերի միջև քննարկվող հուշագրի նախագծով նախատեսվում է միջոցների փուլային վերադարձ․ գումարի կեսը կարող է հասանելի դառնալ փաստաթղթի ստորագրումից անմիջապես հետո, իսկ մնացած մասը՝ հաջորդ 60 օրվա ընթացքում։