The Telegraph․ Զելենսկին ելույթ չի ունենա ՆԱՏՕ-ի գագաթնաժողովում՝ Թրամփին չնեղացնելու մտավախությամբ

Ուկրաինայի նախագահ Վոլոդիմիր Զելենսկին չի մասնակցի ՆԱՏՕ-ի հուլիսի 7-8-ը Անկարայում կայանալիք գագաթնաժողովի հիմնական ծրագրին և ելույթ չի ունենա դաշինքի անդամ երկրների ղեկավարների առջև։ Այդ մասին հայտնում է The Telegraph պարբերականը։

Պարբերականի տեղեկություններով՝ դաշինքում որոշել են հնարավորինս չկենտրոնացնել ուշադրությունը Զելենսկու և ուկրաինական թեմայի վրա՝ մտավախություն ունենալով, որ նրա ելույթը կարող է դժգոհություն առաջացնել ԱՄՆ նախագահ Դոնալդ Թրամփի մոտ։ Նշվում է, որ, ի տարբերություն նախորդ տարիների, այս անգամ Ուկրաինայի նախագահը չի ունենա առանձին ելույթ ՆԱՏՕ-ի առաջնորդների մասնակցությամբ գլխավոր նիստում։

The Telegraph-ի գնահատմամբ՝ Զելենսկին գագաթնաժողովի շրջանակում կփորձի արևմտյան գործընկերներից ստանալ լրացուցիչ ֆինանսական աջակցություն, քանի որ Ուկրաինան շարունակում է բախվել լուրջ ֆինանսական խնդիրների՝ ինչպես ռազմական գործողությունները, այնպես էլ երկրի տնտեսությունը պահպանելու համար։ Ավելի վաղ լրագրող Ալեքս Քրիստոֆորուն կարծիք էր հայտնել, որ Թրամփի հետ հնարավոր հանդիպումը կարող է Կիևի համար անցանկալի հետևանքներ ունենալ։