Bloomberg․ ՆԱՏՕ-ի 2027 թվականի գագաթնաժողովի անցկացումը հայտնվել է անորոշության մեջ

ՆԱՏՕ-ի՝ 2027 թվականին Ալբանիայում նախատեսված գագաթնաժողովը կարող է հետաձգվել կամ ընդհանրապես չկայանալ։ Այդ մասին հայտնում է Bloomberg գործակալությունը։

Հրապարակման համաձայն՝ քննարկումների պատճառներից են Ալբանիայի համեմատաբար ցածր պաշտպանական ծախսերը՝ դաշինքի մյուս անդամների համեմատ, ինչպես նաև ՆԱՏՕ-ի խոշոր միջոցառումների ընթացքում ԱՄՆ նախագահ Դոնալդ Թրամփի հետ աշխատանքի կազմակերպման հետ կապված դժվարությունները։

«Գագաթնաժողովը կանցկացվի Ալբանիայում։ Սակայն քննարկվում է՝ այն տեղի կունենա հաջորդ տարի՞, թե՞ մեկ տարի անց», — հայտարարել է ՆԱՏՕ-ի բարձրաստիճան ռազմական պաշտոնյա Ջուզեպե Կավո Դրագոնեն։

Ավելի վաղ Bloomberg-ը հայտնել էր, որ ՆԱՏՕ-ում ԱՄՆ դաշնակիցները հույս ունեին, թե Դոնալդ Թրամփը Անկարայում անցկացվող գագաթնաժողովին կմասնակցի փոխզիջումների հասնելու պատրաստակամությամբ, սակայն, ըստ հրապարակման, բախվել են նրա կոշտ դիրքորոշմանը դաշինքի մի շարք հարցերի շուրջ։