ԵՄ գործընկերության առաքելության նորանշանակ ղեկավարը ժամանել է Հայաստան

Հայաստանում է Եվրոպական միության գործընկերության առաքելության նորանշանակ ղեկավար, դեսպան Կոսմին Ջորջ Դինեսկուն։ Այս մասին հայտնում են ՀՀ Անվտանգության խորհրդի քարտուղարության գրասենյակից։

ԱԽ քարտուղար Արմեն Գրիգորյանի հետ հանդիպման ընթացքում նա ողջունել է ԵՄ նոր քաղաքացիական առաքելության գործունեությունը Հայաստանում՝ ընդգծելով հայկական կողմի պատրաստակամությունը աջակցելու առաքելության մանդատից բխող միջոցառումների արդյունավետ իրականացմանը։

Արմեն Գրիգորյանը կարևորել է նաև առաքելության աջակցությունը ապատեղեկատվության, կիբեռհարձակումների և ապօրինի ֆինանսական հոսքերի դեմ պայքարում։

Հանդիպման ընթացքում քննարկվել են Հայաստան-ԵՄ համագործակցության հետագա ուղղություններն ու փոխգործակցության զարգացման հնարավորությունները։