Իրանը ատոմային ռումբ կարող է ստեղծել կես տարվա ընթացքում. փորձագետ

Ըստ Ազգային անվտանգության հետազոտությունների իսրայելյան ինստիտուտի ղեկավար Ամոս Յադլինի՝ Իրանն ունի բոլոր անհրաժեշտ միջոցներն առաջիկա 4-6 ամսվա ընթացքում միջուկային զենք ստեղծելու համար:

Ինչպես հայտնում է Associated Press-ը, Յադլինը, ով ավելի վաղ զբաղեցնում էր Իսրայելի ռազմական հետախուզության ղեկավարի պաշտոնը, արել է այս հայտարարությունը Թել Ավիվում Իսրայելի ռազմավարական հեռանկարների գնահատականներին նվիրված մամուլի ասուլիսի ժամանակ:

Հիշեցնենք, որ ավելի վաղ Իսրայելի վարչապետ Բենիամին Նեթանյահուն հայտարարել էր, որ փորձում է ստեղծել առավելագույնս լայն կառավարություն, որի գերակա խնդիրը կլինի Իրանի միջուկային փորձարկումների դադարեցումը: