ԱՄՆ-ն կասկածում է, որ Իրանի կողմից տիեզերք կապիկ ուղարկելու փորձը հաջողվել է

ԱՄՆ-ի իշխանությունները կասկածում են, որ Իրանի կողմից տիեզերք կապիկ ուղարկելու փորձը հաջողությամբ է ավարտվել: Այս մասին հայտարարել է Պետքարտուղարության պաշտոնական ներկայացուցիչ Վիկտորիա Նուլանդը. գրում է ИТАР-ТАСС-ը:

«Մի շարք հարցեր կան այն կապակցությամբ, թե արդյոք այն, ինչ նրանք տիեզերք են ուղարկել, կապիկ է եղել, և արդյոք այդ կապիկը վերադարձել է այնպես, ինչպես որ Երկրից մեկնել էր»: Նա նշել է, որ տիեզերք ուղարկված կապիկի դիմագծերը տարբերվում էին հրթիռի վերադարձից հետո հրապարակված լուսանկարներում պատկերված կապիկի դիմագծերից:

Նուլանդը նաև հետաքրքիր է համարել նախօրեին Ահմադինեժադի արած հայտարարությունն այն մասին, թե ինքը պատրաստ է տիեզերք թռչել:

Հիշեցնենք, որ հունվարի 28-ին Իրանը կապիկ էր ուղարկել տիեզերք, որը, նրա խոսքերով, մարդու՝ տիեզերք ուղարկելու նախագծի մի մասն է:

Պաշտոնական աղբյուրները նշել են, որ կապիկն անվտանգ վերադարձել է: Իրանը նշել է, որ ցանկանում է մարդ ուղարկել տիեզերք: 2010 թվականին Իրանը տիեզերք էր ուղարկել կրեա, մկնիկ և որդ:

ԱՄՆ-ն և նրա դաշնակիցներն անհանգստանում են, որ Իրանը կարող է ստեղծել հեռու տարածության վրա գործակվող հրթիռներ, որոնք կարող են հարստացված լինել ատոմային զենքով: