Սերգեյ Սեմակը հայտարարել է, որ չի հասկանում Fan ID-ի ներդրման պատճառները
Սպորտ
Սանկտ Պետերբուրգի «Զենիթի» գլխավոր մարզիչ Սերգեյ Սեմակը հայտարարել է, որ չի հասկանում, թե ինչու է ռուսական ֆուտբոլում ներդրվել Fan ID երկրպագուի անձնագիրը։ Նրա խոսքը փոխանցում է «Չեմպիոնատ»-ը։
Սեմակի խոսքով՝ Fan ID-ի ներդրումից հետո էլ մարզադաշտերում շարունակվել են տարբեր միջադեպերը։ Նա որպես օրինակ նշել է «Սպարտակի» դեմ խաղի ընթացքում խաղադաշտ նետված շշերն ու կրակայրիչները, ինչպես նաև Վորոնեժում «Զենիթի» ֆուտբոլիստ Վենդելի հասցեին հնչած ռասիստական վանկարկումները։ Մարզիչը նշել է, որ, չնայած տեսահսկման համակարգերին, մեղավորներին չեն հայտնաբերել։
Սեմակը նաև հույս է հայտնել, որ «Զենիթի» ակտիվ երկրպագուները կվերադառնան մարզադաշտեր՝ ընդգծելով, որ որոշ այլ ակումբների ֆանատական խմբերն արդեն վերադարձել են տրիբունաներ։
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
