Գլուշակովը Դակուի տեղափոխությունը «Սպարտակ» «միջուկային ռումբ» է անվանել

Մոսկվայի «Սպարտակի» նախկին ֆուտբոլիստ Դենիս Գլուշակովը զգուշացրել է կազանյան «Ռուբինի» նախկին հարձակվող Միրլինդ Դակուի՝ «Սպարտակ» տեղափոխության հնարավոր ռիսկերի մասին, հայտնում է «Матч ТВ»-ն։

«Մի կողմից դա լավ է, մյուս կողմից՝ միջուկային ռումբ է, որը կարող է պայթել։ Եթե նա չխաղա, կարող են կոնֆլիկտներ առաջանալ։ Ինչպե՞ս են նա ու Բարկոն կիսելու առաջատարի դերը թիմում»,- ասել է Գլուշակովը։

28-ամյա Դակուն օգոստոսի 6-ին «Ռուբինից» տեղափոխվել է «Սպարտակ» և երեք տարվա պայմանագիր ստորագրել։ Կազանյան ակումբում նա անցկացրել է 93 հանդիպում՝ խփելով 38 գոլ և կատարելով 13 գոլային փոխանցում։