Շոգի պատճառով ՊՍԺ-ն ստիպված է փոխել մրցաշրջանի մեկնարկային խաղի վայրը

Փարիզի ՊՍԺ-ն ստիպված է փոխել Լիգա 1-ի նոր մրցաշրջանի մեկնարկային հանդիպման վայրը՝ «Պարկ դե Պրենս» մարզադաշտի խոտածածկի լուրջ վնասման պատճառով։

Ֆրանսիայի գործող չեմպիոնը կիրակի օրը պետք է սեփական հարկի տակ ընդուներ «Ռեննին», սակայն խաղը տեղափոխվել է Բրետան և կանցկացվի «Ռեննի» մարզադաշտում։ Ֆրանսիական ֆուտբոլի լիգան նշել է, որ խաղադաշտի վիճակը չի համապատասխանում անվտանգ և պատշաճ հանդիպում անցկացնելու պահանջներին։

ՊՍԺ-ից հայտնել են, որ մարզադաշտի խոտածածկը ամբողջությամբ կփոխարինվի մինչև սեպտեմբերի 4-ին նախատեսված «Մոնակոյի» դեմ տնային հանդիպումը։

Խոտածածկի վնասման պատճառը դարձել են Ֆրանսիայում այս ամռանը գրանցված արտասովոր շոգերը։ Հունիսի 24-ին Ֆրանսիայում գրանցվել է երկրի պատմության ամենաշոգ օրը՝ որոշ շրջաններում ջերմաստիճանը հասել է մոտ 41°C-ի։