«Տոտենհեմը» 87,5 մլն եվրոյով ձեռք կբերի «Մանչեսթեր Սիթիի» բրազիլացի ֆուտբոլիստին

Լոնդոնի «Տոտենհեմը» սկզբունքային համաձայնության է հասել «Մանչեսթեր Սիթիի» հետ բրազիլացի ֆուտբոլիստ Սավինյոյի տրանսֆերի շուրջ։ Ինչպես հայտնում է Daily Mail-ը, գործարքի հիմնական արժեքը կկազմի 75 մլն ֆունտ ստեռլինգ՝ մոտ 87,5 մլն եվրո։

Պայմանագրով նախատեսված է ևս 10 մլն ֆունտի չափով հավելավճար։ Դրանց իրագործման դեպքում գործարքի ընդհանուր արժեքը կհասնի 85 մլն ֆունտի և կարող է դառնալ «Մանչեսթեր Սիթիի» պատմության ամենախոշոր վաճառքը։ Նախորդ ռեկորդը կապված էր Խուլիան Ալվարեսի՝ 2024 թվականին Մադրիդի «Ատլետիկո» տեղափոխության հետ։

22-ամյա Սավինյոն «Մանչեսթեր Սիթի» էր տեղափոխվել 2024 թվականի ամռանը ֆրանսիական «Տրուայից»։ Նախորդ մրցաշրջանում բրազիլացին բոլոր մրցաշարերում անցկացրել է 36 հանդիպում և խփել 4 գոլ