Ինգա Մանուչարյանը կշարունակի խաղալ Հունաստանում

Հայաստանի կանանց ազգային հավաքականի խաղացող Ինգա Մանուչարյանը 2026-27 մրցաշրջանում հանդես կգա հունական ԳԱՍ Անդրոգեաս ակումբում։

Այս մասին հայտնել է բասկետբոլի Հայաստանի ֆեդերացիան։

«Նախորդ մրցաշրջանում ևս Մանուչարյանը հանդես է եկել Հունաստանում՝ «Օլիմպիակոս Վոլու» ակումբի կազմում՝ մեկ խաղում միջինը գրանցելով 19.4 միավոր, 12.9 ռեբաունդ, 2.5 ասիստ և 2.1 խլում։

Իր կարիերայի ընթացքում Ինգան հանդես է եկել նաև Հայաստանի, Լատվիայի և Ղազախստանի ակումբներում։ Ղազախստանում նա երկու անգամ դարձել է երկրի չեմպիոն և ճանաչվել եզրափակչի ամենաարժեքավոր խաղացող»,- ասվում է հաղորդագրության մեջ։