Իրանը չեղյալ է հայտարարում վիզային ռեժիմը Եգիպտոսի համար

Իրանի իշխանությունները որոշում են կայացրել Եգիպտոսի որոշ քաղաքացիների համար վիզային ռեժիմը չեղյալ հայտարարելու մասին. գրում է Reuters-ը՝ վկայակոչելով Իրանի ԱԳ նախարար Ալի Աքբար Սալեհիի խոսքերը:

Մասնավորապես՝ վիզայի ձևակերպումն այլևս անհրաժեշտ պայման չէ գործնական և զբոսաշրջության նպատակներով կատարած այցերի ժամանակ: Ալի Աքբար Սալեհին նշել է, որ իրանա-եգիպտական հարաբերություններն օրըստօրե բարելավվում են:

Թեհրանն ու Կահիրեն գրեթե խզել էին դիվանագիտական հարաբերությունները Իրանում 1979թ. տեղի ունեցած իսլամական հեղափոխությունից հետո:

Ահմադինեժադը 1979-ից հետո առաջին նախագահն էր, ով այցելեց Եգիպտոս:

Ահմադինեժադի այցը պղտորվել էր միջադեպով, որը տեղի էր ունեցել փետրվարի 5-ի երեկոյան: Կահիրեի կենտրոնում գտնվող Ալ Հուսեյն մզկիթից դուրս գալուց նրա ուղղությամբ Սիրիայի քաղաքացին կոշիկ էր նետել՝ բղավելով «Դու սպանում ես մեր եղբայրներին»:

Սիրիացին ու ևս 3 կասկածյալ ձերբակալվել են: